Кичи гранттар программасында утуп алган айылдык аймактардын өкүлдөрү окуудан өттү

17.06.2013 09:47
Окуу 2013-жылдын 10-14-июндарында КРнын Каржы министрлигинин Окуу борборунун базасында өттү.

2013-жылдын 10-июнунан 14-июнуна чейин ЭҮЖӨБОЖ Долбоорунун Кичи гранттар программасынын линиясы боюнча грант утуп алган элеттик муниципалитеттердин өкүлдөрү «Товарларды, жумуштарды жана кызмат көрсөтүүлөрдү мамлекеттик сатып алууларды башкаруу» темасына атайын окуудан өтүштү. Окутуу КР Каржы министрлигинин Окуу борборунун базасында өттү.

Катышуучу катары ЭҮЖӨБОЖ долбоорунун пилоттук муниципалитеттериндеги сатып алуулар боюнча адистер чакырылды: Жалал-Абад облусунун Сакалды, Көк-Таш, Сумсар айыл өкмөттөрү, Ысык-Көл облусунун Улахол, Бостери жана Липенка айыл өкмөттөрү. Мындан тышкары катышуучулардын арасында 1 млн. сом көлөмүндө грант утуп алган пилоттук эмес Дархан айылдык аймагынын (Ысык-Көл облусу) өкүлү да болду.

Жалал-Абад облусунун Тогуз-Торо жана Жаңы-Жол айыл өкмөтүнөн адистер буга чейин ушул өңдүү окутууга катышкан.

Бардык катышуучуларга мамлекеттик сатып алуулар жол-жобосун уюштуруу жана өткөрүү процессин ишке ашыруу үчүн кандай аракеттер зарыл болгону тууралуу өзүнө теориялык билимди жана практикалык мисалдарды камтыган материалдар таратылып берилди. 

Проект: