Урматтуу Бишкек шаарынын тургундары жана Бишкек шаарынын жарандык коомунун өкүлдөрү!
Жергиликтүү маанидеги маселелерди чечүүгө катышууга жарандардын конституциялык укугун камсыздоо максатында Бишкек шаарынын мэриясы (Мэрия) жана Бишкек шаарынын жарандык коом уюмдарынын (ЖКУ) өкүлдөрү тарабынан түзүлгөн “Ачык Бишкек” комитети ачык-айкындуулук, отчеттуулук жана шаарды өнүктүрүүгө жарандардын катышуусун чыцдоого багытталган демилгелерди кабыл алууну жарыялайт.
Мыкты демилгелер “Ачык Бишкек” комитетинин биргелешкен иш планына киргизилет.
Сунушталган демилгелер төмөнкү талаптарга жооп бериши керек:
- мэриянын жана шаардык кызматтардын ишинин ачыктыгын күчөтүү, жергиликтүү өз алдынча башкаруу органдарынын жарандардын алдындагы жоопкерчилигин күчөтүү; шаардыктар үчүн маанилүү чечимдерди биргелешип кабыл алуу үчүн шаардык бийлик менен шаардыктардын өз ара аракеттенүү платформаларын же механизмдерин түзүүгө;
- «Борбордун статусу жөнүндө» Кыргыз Республикасынын 2013-жылдын 12-декабрындагы № 218 Мыйзамынын 21-беренесине ылайык Бишкек шаарынын жергиликтүү өз алдынча башкаруу органдарынын ыйгарым укуктарынын чегинде аткарылууга (чечүүгө);
- демилгеде көрсөтүлгөн көйгөйдү чечүү үчүн иштөөгө даяр болгон шаар бийлигинин жана шаардык кызматтардын ичинен өнөктөштүн атын (көрсөтөт);
- Бишкек шаарынын социалдык-экономикалык өнүгүү программасынын артыкчылыктуу багыттарына жооп берүүгө;
- жарандар үчүн конкреттүү натыйжаларды баяндоого.
Климаттын өзгөрүшүнүн кесепеттерин алдына алуу жана санариптик башкаруу технологияларын киргизүүгө багытталган демилгелер артыкчылыктарга ээ болот.
Демилге берүүчүлөр болуп демилгени ишке ашырууга катышууга даяр жеке жана юридикалык жактар боло алышат.
Демилгенин аткаруу мөөнөтү 12 айдан ашпоого тийиш.
Кызыкдар тараптар үчүн демилгелер боюнча консультация 2023-жылдын 31-октябрында саат 9.30да Бишкек ш., Орозбеков көч., 87 дарегиндеги Парк Отелде өтөт.
Консультацияга 0770 77 11 14 телефону же AMamytov@dpi.kg электрондук почтасы аркылуу 2023-жылдын 27-октябрынан чейин жазылсаңыз болот.
Консультация алдын ала жазылуу менен гана жүргүзүлөт!
Демилгелердин мазмуну боюнча суроолор болсо Сатыбеков Бакытка 0559 74 55 74 телефону же b.satybekov@gmail.com электрондук почта аркылуу кайрылсаңыз болот.
Демилгелер 2023-жылдын 15-ноябрына чейин кабыл алынат.
Демилгеңизди төмөнкү шилтеме аркылуу тапшырсаңыз болот:
http://www.ogp.el.kg/ru/podat-iniciativu
Мыкты деп тандалып алынган демилгелер “Ачык Бишкек” комитетинин биргелешкен иш планына киргизилет.