Келе жаткан Жаңы жылыңыздар менен!

Урматтуу достор, кесиптештер жана өнөктөштөр,
келе жаткан Жаңы жылыңыздар менен!

2024-жыл аяктап жатканда Өнүктүрүү саясат институту сиздер менен биргеликте жергиликтүү жамааттардын жашоосун жакшы жана ыңгайлуу кылууга көп иш аткарды. Биз биргелешип жергиликтүү өз алдынча башкарууну чыңдап, социалдык жана экономикалык көйгөйлөрдү чечүүгө жана аял-лидерлерди, аярлуу топторду өзгөрүүлөрдү жүзөгө ашырууга колдоо көрсөттүк.
Сиздердин күч-аракеттериңиздер, ишенимиңиздер жана жалпы максаттарга болгон умтулууңуздар үчүн чын жүрөктөн ыраазычылык билдиребиз.

Жергиликтүү кызматтарды жакшыртууга, муниципалдык башкарууну өнүктүрүүгө жана бийлик менен коомдун ортосунда бекем байланыштарды түзүүгө багытталган жалпы аракеттерибиз ар бирибиздин ролубуз канчалык маанилүү экенин көрсөттү. Сиздердин жардамыңыздар менен биз жоопкерчиликтүү жана ачык мамлекеттик башкарууну түзүүгө маанилүү салым коштук.

2025-жылы өнөктөштүктү чыңдоону, өсүүгө жаңы мүмкүнчүлүктөрдү ачууну жана коомду жакшы жакка өзгөртүүгө умтулган командалар менен иштөөнү улантабыз. Ошондой эле, сиздерге биздин жаңы логотипти тартуулап жатканыбызга кубанычтабыз. Ал биз үчүн жаңы дем, динамикалуу өнүгүү жана өзгөрүүлөргө сезимталдыкты символдоштурат.

Жаңы жылыңыздар жаңы жетишкендиктерге жана ийгиликтүү башталыштарга дем берсин!
Сиздерге жана үй-бүлөңүздөргө ден соолук жана бакыт каалайбыз!

Урматтоо жана ыраазычылык менен,

Өнүктүрүү саясат институту