17-декабрда Бишкек шаарында 2021-жылдын II жарым жылдыгында “ЖӨБ мыкты тажрыйбасы” сынагынын жеңүүчүлөрүн салтанаттуу сыйлоо аземи болуп өттү.
Конкурстун максаты:
- жергиликтүү көйгөйлөрдү чечүү жана жашоо-турмуш шарттарын жакшыртуу боюнча ЖӨБ органдарынын жана жергиликтүү жамааттардын ийгиликтүү тажрыйбаларын табуу;
- ЖӨБ органдарына жана жарандарга тажрыйба алмашууга жана жергиликтүү көйгөйлөрдү чечүүнүн мыкты тажрыйбасын жайылтууга дем берүү;
- Кыргызстанда өнүгүү маселелерин чечүүнүн алдыңкы ыкмаларын жана жаңы ыкмаларын жайылтууга өбөлгө түзүү
Иш-чара офлайн жана онлайн форматта болуп, ага жергиликтүү өз алдынча башкаруу органдары, жергиликтүү коомчулуктар, жергиликтүү кеңештердин депутаттары жана эксперттерден 30га жакын адам катышты. Ошондой эле 40ка жакын адам Zoom катышып, Фейсбук баракчасында видео трансляция уюштурулду.
Конкурстун финалисттери өздөрүнүн мыкты тажрыйбаларын баяндагандан соң, суроолорго жооп берип, тажрыйбалары менен алмашышты.
2-жарым жылдык үчүн финалдык добуш берүүгө төмөнкү мыкты тажрыйбалар жайгаштырылган:
- Аламүдүн АА, Чүй областы: “Кыргызстандагы биринчи тажрыйба: муниципалдык балдар билим берүү борбору”;
- Жалал-Абад облусу, Кара-Көл шаары: “Мэрия Жаштар кеңеши менен бирдикте жаштарга шарт түзүп бере алат”;
- Ош облусу, Кызыл-Суу АА: “Мектепке чейинки билим берүү үчүн шарттарды түзүү боюнча жергиликтүү демилге практикасы”;
- Жалал - Абад облусу, Масы АА: “Кезекте турган балдарга мектепке чейинки билим берүү мүмкүнчүлүгүн кантип камсыздоо керек”;
- Ысык - Көл облусу, Түп АА: “Тазалык айылыбызга – айылыбыз баарыбызга!”
Онлайн добуш берүү 6-декабрдан 10-декабрга чейин чейин өттү.
Текшерүү жана саноолордун жыйынтыгы боюнча байгелүү орундар төмөндөгүдөй бөлүндү:
Конкурстун жеңүүчүлөрү товардык түрдө байгелерди[1], КР Министрлер кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин Ардак грамоталары, ыраазычылык каттары, ЖӨБ органдарынын мыкты тажрыйбалар порталына акысыз жазылуу укугун утуп алышты.
Конкурстун финалисттерин жеңиши менен куттуктайбыз, ЖӨБ органдарына иштеринде ийгиликтерди жана гүлдөп өсүшүн каалайбыз!
_____________
[1] Конкурс жөнүндөгү Жобого ылайык, ЖӨБ органдары тарабынан байгелүү каражаттар (грант) баяндалган тажрыйбаны улантууну колдоо же маанилүү башка маселени үчүн пайдаланылышы мүмкүн.