АКШнын Эл аралык өнүктүрүү боюнча агенттиги жана Өнүктүрүү саясат институту "Ийгиликтүү аймак 2" долбоорун ишке киргизүүдө

Жаңы долбоор жергиликтүү өнөктөштөрүбүз жактырган USAIDдин "Ийгиликтүү аймак" добоорунун уландысы болуп эсептелет. Мурунку долбоор тууралуу маалымат: http://dpi.kg/ky/activity/projects/full/0/89.html 

Долбоор Кыргызстандын төрт облусундагы муниципалитеттерге жардам берет (Жалал-Абад, Ысык-Көл, Нарын жана Ош облустары).

USAIDдин долбоору менен өнөктөш болгон муниципалитеттер суу менен камсыздоо, таштандыларды чыгаруу жана коомдук жайларды, анын ичинде сейил бактарды, спорт жана эс алуу үчүн жайларды уюштуруу сыяктуу негизги муниципалдык кызматтарды натыйжалуу көрсөтүү үчүн башкаруу ыкмаларын жакшыртышат.

Долбоор ЖӨБ органдарынын жоопкерчилигин күчөтүү жана жергиликтүү бюджеттерди көзөмөлдөөдө жарандардын катышуусун жакшыртуу максатында иш алып барат.

Долбоордун алкагында республикалык жана аймактык иш-чараларга катышуу менен муниципалитеттер кызмат көрсөтүү боюнча тажрыйба жана алдыңкы практикалар менен бөлүшө алышат.

Жаңы долбоорду Өнүктүрүү саясат институту (www.dpi.kg) жергиликтүү жарандык уюмдар менен биргеликте ишке ашырат.

USAID долбоорду ишке ашыруу үчүн 4,9 миллион АКШ долларын грант катарында бөлгөн. Долбоор 2025-жылдын сентябрына чейин иштейт.

Пайдалуу тектеш шилтемелер:

• USAIDдин "Ийгиликтүү аймак 2" долбоору тууралуу презентация
• Теплоключенка АӨнүн таштандыларды чогултуу жана чыгаруу кызматын уюштуруу боюнча мыкты тажрыйбасы – Ак-Суу району, Ысык-Көл облусу
• Ак-Чий АӨнүн спорт кызматын (балдар жана кыздар үчүн футбол секциясын) уюштуруу боюнча мыкты тажрыйбасы – Ак-Суу району, Ысык-Көл облусу
• Кулатов АӨнүн маданий кызматтарды (музыкалдык аспаптарда ойноо ийримин) уюштуруу боюнча мыкты тажрыйбасы – Ноокат району, Ош облусу
• Липенка АӨнүн маданий кызматтарды (музыкалдык аспаптарда ойноо ийримин) уюштуруу боюнча мыкты тажрыйбасы – Жети-Өгүз району, Ысык-Көл облусу
• Он-Эки Бел АӨнүн ичүүчү суу менен камсыздоо кызматын уюштуруу боюнча мыкты тажрыйбасы – Ноокат району, Ош облусу
• USAIDдин "Ийгиликтүү аймак" долбоорунун жетишкендиктери